Vendim i ashpër në tryezën e Forumit: Denoncimin tonë mund t’a çojmë dhe në Hagë
“Padi genocidi për Berishën”
Opozita mbledh dokumente: Përgatitet dosja me akuza
Faktett e zbulura së fundi për armartosjen e PD, plani i shtypjes së revoltës në Jug, janë vepër e tij
Tiranë – Opozita përgatitet të padisë Berishën. Një dosje voluminoze dhe disa projekte janë grumbulluar tashmë dhe së shpejti partitë e forumit do të mblidhen për të vendosur përfundimisht.
Emri i Berishës dhe dosja me një sërë akuzash të rënda ndoshta do të udhëtojë drejt Gjykatës së Hagës për genocide. “Mund t’a çojmë dhe atje, pasi ato që kanë ndodhur muajt e fundit në vend janë dirigjuar nga Berisha përbëjnë krime” – ka deklaruar lideri socialist Skënder Gjinushi, pasi gjykatat shqiptare janë shumë pak të besueshme për përfaqësuesit e partive të Forumit. Por edhe pse formalisht duket se kjo padi do t’i kalojë prokurorisë shqiptare do të prezantohet edhe në Kuvendin Popullor.